Geld kan dalk nie geluk koop nie, maar dis baie makliker om tevrede te voel as jy weet jou beursie ly nie honger nie.

Geld is dalk net ‘n middel tot ‘n doel, maar dis ‘n integrerende deel van ons lewens en emosies. En tog benader ons dikwels finansiële bestuur soos iets wat losstaan van ons psiges. Hier is ‘n paar gedagtes om jou te help om jou emosies te erken wanneer jy jou finansies beplan.

Spaar geld net vir die lekkerkry

Ons kan nie die heel tyd net werk om uit te kom nie. Jy moet ook na jouself kyk en opgewonde raak as jy iets net vir jou koop. Dit beteken nie jy moet tot onbeplande kleinhandelterapie – en kopersverwyt – oorgaan nie. Spaar eerder elke maand ‘n bedrag (hoe klein ook al) en oormerk daardie geld vir iets spesiaal vir jou. Selfs al spaar jy nie vir ‘n bepaalde ding nie is dit gerusstellend om te weet dat jy daardie fondse beskikbaar het as jy die dag swartgallig voel.

Begroting is nie ‘n drieletterwoord nie

Vir sommige mense val begroting en die opstel van ‘n testament in dieselfde kategorie: vermy dit! Maar om jou kop in die grond te steek, sal nie op wonderbaarlike wyse jou beker laat oorloop nie. Om jou begroting te beplan, is baie dieselfde as om daardie hardnekkige deurmekaar kas (jy weet watter een) te organiseer. Dit is dalk nie die aangenaamste taak nie, maar jy sal meer gemoedsrus hê as die huiswerk afgehandel is. Doen ‘n bietjie selfondersoek na jou verhouding met geld en hoekom jy dit moeilik vind om finansiële beplanning te hanteer.

Moenie oorontleed voordat jy begin spaar nie

Dit kan oorweldigend wees om uit te werk hoe om te spaar en te belê, sê Ali Simpkins, wat skryf vir MoneyWeb. Maar Simpkins gaan voort en sê jy moenie jou bekommer oor hoeveel jy het om te spaar nie – spaar net. Effektetrusts (as beleggingsmedia) kan byvoorbeeld vir so min as R250 per maand gekoop word en bied ‘n wye reeks oplossings. As jy eers ‘n bietjie gespaar het, sal jou saamgestelde rente jou belegging help groei. Soos Simpkins verduidelik, hoe vroeër jy belê hoe meer rente sal jy verdien, wat beteken meer rente op daardie rente…

Bron: https://finansies.solidariteit.co.za/geldbestuur-is-nie-net-swoeg-nie-jy-moet-na-jou-psige-ook-kyk/